影片
更多
2023-07-07
31 瀏覽
識飲識食同事教我, 話想食燒肉唔洗一定要去D大集團既, 有時D小店仲有誠意我就追問佢邊間好食, 佢就會收工帶我去啦, 所以果日收工我地就衝閘閃佢帶左我去葵芳站, 行兩步就到一間叫燒肉一番既餐廳一入到去就見到龍貓等宮崎駿既佈置, 好溫馨下而入面既裝修係好有家庭式既感覺, 令人感覺好似返左屋企咁芝麻雞翼-$29外脆內嫩, 而且雞肉既肉汁係湧出黎既, 炸得非常好我地兩個人就叫左兩個SET, 分別係:牛胸腹&牛板腱200g-$109牛胸腹&牛小排200g-$118D SET係配有飯, 湯, 前菜, 同另一份肉既, 我地就+$8轉紫菜飯, 另一份肉我地就選左雞同豚五花50g。牛既質素好好, 款款牛都好有牛味, 而且口感好好, 我地最鐘意就係牛小排, 而好似配角既雞同豚五花, 雞肉好嫩滑, 而豚五花好香口, 我覺得D兩個配角都有變做主角既潛質。日本年糕-$20好似睇緊卡通既年糕, 一邊燒一邊睇住佢慢慢變黃, 仲會出現個白波仔, 卡通既情節係真既! 食落都幾煙靭下, D個出面好少見到, 幾得意扇貝2隻-$69扇貝幾大隻既, 配上蒜泥牛油去燒, 一邊燒一邊D香氣已經湧出黎, 食落好新鮮, 有種鮮甜既味
我就追問佢邊間好食, 佢就會收工帶我去啦, 所以果日收工我地就衝閘閃
佢帶左我去葵芳站, 行兩步就到一間叫燒肉一番既餐廳
一入到去就見到龍貓等宮崎駿既佈置, 好溫馨下
而入面既裝修係好有家庭式既感覺, 令人感覺好似返左屋企咁
芝麻雞翼-$29外脆內嫩, 而且雞肉既肉汁係湧出黎既, 炸得非常好
我地兩個人就叫左兩個SET, 分別係:牛胸腹&牛板腱200g-$109
牛胸腹&牛小排200g-$118
D SET係配有飯, 湯, 前菜, 同另一份肉既, 我地就+$8轉紫菜飯, 另一份肉我地就選左雞同豚五花50g。牛既質素好好, 款款牛都好有牛味, 而且口感好好, 我地最鐘意就係牛小排, 而好似配角既雞同豚五花, 雞肉好嫩滑, 而豚五花好香口, 我覺得D兩個配角都有變做主角既潛質。
日本年糕-$20好似睇緊卡通既年糕, 一邊燒一邊睇住佢慢慢變黃, 仲會出現個白波仔, 卡通既情節係真既! 食落都幾煙靭下, D個出面好少見到, 幾得意
扇貝2隻-$69
扇貝幾大隻既, 配上蒜泥牛油去燒, 一邊燒一邊D香氣已經湧出黎, 食落好新鮮, 有種鮮甜既味道出黎
龍蝦尾-$68 X2因為我地都想食龍蝦, 所以叫左兩隻, 發現原來店家會將一條龍蝦尾破開兩邊, 最初我地都以為自己叫多左份啦, 但燒完食落真係覺得自己原來冇叫多到, 因為就算燒完, 龍蝦仲保持到鮮甜無比, 輕輕一拉, D龍蝦肉就拉到出黎, 可見其新鮮程度, 如果只食半份係真係唔夠喉的
牛油金菇菜-$20係BBQ既時候我好鐘意食牛油金菇, 但依架咁熱就唔會去啦, D度既牛油金菇就可以神還原到BBQ既味道
沖繩風豚肉腸-$20
D個豚肉腸好香, 而且入面仲加少少既肥肉去增加口感同埋香味, 幾好味
SET係冇包到飲品同甜品的, 所以唯有自己加
總結唔怪得同事介紹D間燒肉一番比我, 真係好好味, 而且份量好足, 我地都好鐘意食, 我已經想下次帶其他朋友黎食了。
張貼
