馬祖 (將軍澳廣場) (已結業)

一直想試呢間人氣火鍋店，之前試咗旺角分店無限時，覺得唔錯，見個menu唔同，所以又嚟呢間分店試吓。本身都諗住叫牛小排餐，$353，點知店員話今日美國srf極黑和牛賣晒，所以用srf極黑和牛餐$323個價錢，就可以食牛小排餐，好似抵咗咁，不過少咗款肉食，不過我哋本身都係目標食牛小排。飲品選擇唔多，細樽裝/汽水，甚至維他奶一人一鍋，12款湯底，有10款都係藥膳，符合餐廳養生主題藥膳椰子清雞湯，幾椰子，配肉好食藥膳田園番茄濃湯酸酸地咁，煮菜煮肉都唔錯主角 極上霜降牛小排好食，唔鞋，又香西班牙伊比利亞黑毛豬夠嫩，唔鞋，仲幾彈牙prime grade牛頸脊比較鞋，難咬，肉味唔算特別濃，試一碟夠，都係主打番牛小排整體就係牛小排最好食，淨係追加呢個，不過因為霜降都肥，所以會滯都食唔到太多。出面配料選擇同飲品選擇都唔多，變咗只可以不停食同一樣野即係牛小排，同埋食菜，其他就冇乜好食。