影片
更多
2019-05-10
109 瀏覽
今日難得day off，同呀爸過黎銅鑼灣買野。買咩? 嘛就係黎緊母親節既野囉! 中午就響附近食，想食日本野，黎左呢間叫勝手既餐廳，都幾有feel，有啲西餐廳bar枱feel，但更加係好日系風格，唔算好大間，但絕對係好靚好有情調。佢地 set lunch都幾多選擇，我地揀左個 安格斯牛扒照燒定食 同埋 銀鱈魚西京燒定食。跟餐有面豉湯、沙律、甜品等，好似都幾抵。首先黎既沙律，好清新，有生菜、蕃茄、仲有橙，好開胃，左上去既汁紅紅地，甜甜酸酸，啱晒今日咁熱既天氣食。一齊上枱既仲有一細碗漬茄子粒，好好食! 加左啲芝麻，好香好惹味。細細粒既茄子做前菜，我唔捨得一口氣食晒佢，留左啲黎送飯。面豉湯入面有豆腐、少少蕃茄同埋金菇，好少飲面豉湯會有咁多湯料，加左蕃茄又清新左，成碗湯好香甜，好鍾意，唔太咸。食完個沙律好快個飯同主菜都上埋，嘩，百幾蚊一塊安格斯牛扒咁大塊?! 嚇左一嚇，份量好大! 牛扒一睇就知燒得好好，好靚，外層微微焦香，入面係勁juicy勁tender! 而個汁做到夠薄身，唔會好似平時見到啲照燒汁咁濃咁杰咁甜，啱啱好夠味! 一啖牛肉一啖飯，超正。個牛扒係啖啖香甜既牛肉味，配個飯食係一流。個
佢地 set lunch都幾多選擇，我地揀左個 安格斯牛扒照燒定食 同埋 銀鱈魚西京燒定食。跟餐有面豉湯、沙律、甜品等，好似都幾抵。
首先黎既沙律，好清新，有生菜、蕃茄、仲有橙，好開胃，左上去既汁紅紅地，甜甜酸酸，啱晒今日咁熱既天氣食。一齊上枱既仲有一細碗漬茄子粒，好好食! 加左啲芝麻，好香好惹味。細細粒既茄子做前菜，我唔捨得一口氣食晒佢，留左啲黎送飯。面豉湯入面有豆腐、少少蕃茄同埋金菇，好少飲面豉湯會有咁多湯料，加左蕃茄又清新左，成碗湯好香甜，好鍾意，唔太咸。
食完個沙律好快個飯同主菜都上埋，嘩，百幾蚊一塊安格斯牛扒咁大塊?! 嚇左一嚇，份量好大! 牛扒一睇就知燒得好好，好靚，外層微微焦香，入面係勁juicy勁tender! 而個汁做到夠薄身，唔會好似平時見到啲照燒汁咁濃咁杰咁甜，啱啱好夠味! 一啖牛肉一啖飯，超正。個牛扒係啖啖香甜既牛肉味，配個飯食係一流。
個銀鱈魚西京燒，係我嗌架，但係我爸係咁食我碟銀鱈魚，佢話好好味! 我都覺。魚肉極嫩滑，唔講以為係蒸架添! 不過出面係燒到好香，我最喜歡個魚皮，好大塊，微脆，所以成個combination 係魚皮脆，魚肉嫩。執邊既mayonnaise 唔會好甜，而因為當中既油份配埋個魚係更加嫩滑，魚肉本身係勁鮮甜!
個飯唔記得講，係加左飯素架! 雖然飯素唔多但咁先唔會搶左主角牛扒同西京燒既風頭吖嘛! 好有誠意。
之後仲有甜品，係黑糖黃豆粉蕨餅，好香黑糖味，面頭係烤焗黃豆整既黃豆粉，有陣陣既焦香黃豆味，而黃豆粉又中和左蕨餅既甜味! 用呢個蕨餅做呢餐既總結，正。下次黎銅鑼灣，要試埋佢地既晚餐先!
白飯
4 瀏覽
0 讚好
0 留言
沙律
6 瀏覽
0 讚好
0 留言
銀鱈魚西京燒
9 瀏覽
0 讚好
0 留言
安格斯牛扒照燒定食
17 瀏覽
0 讚好
0 留言
茄子漬
9 瀏覽
0 讚好
0 留言
黑糖黃豆粉蕨餅
4 瀏覽
0 讚好
0 留言
張貼
