星級扒房 (已結業)

揸車落旺角睇完玩具，一出商場，見到哩間係樓上嘅星級扒房，氣氛唔錯，吸引咗我上去！我對於餐廳播放輕音樂同枱面置蠟燭都有好感，星級扒房都做到，自然加分不少，情調唔錯，約女友拍拖食飯係唔錯嘅選擇。點咗客安格斯頂級穀飼肉眼牛扒，再加炭火烤日本黑豚扒佐蜜糖介未籽，龍蝦湯加香草蒜蓉包真係絕配，自己好鍾意d扒燒到交叉格紋，再加上牛扒同豬扒都好厚身，所以都好滿意。味道方面，兩款扒都唔係落咗好多醃料去處理，食得到佢嘅肉味，鍾意食原味嘅食家應該會欣賞。另外一提，加錢的話，重有前菜，沙律等自助餐享用添。食到尾聲，有位餐廳職員行埋黎問我地有無揸車黎，樓下炒緊牌！哈哈... 原來佢地幫手睇埋有無人炒牌！好彩我泊好部車，真細心！