新軒尼詩茶餐廳 (已結業)

好耐冇嚟過諗住求其食啲嘢，又去返呢間餐廳，入到去裝修冇變啲人一樣都好有禮貌，諗住求其叫個粉食，有個哥仔話不如你試吓佢哋午餐牛扒飯，咁反正都唔知食乜，咁就試吓啦！個賣相好得意有隻兔仔茄，冇諗過呢啲餐廳都會整啲咁可愛嘅嘢🐰佢件扒超大件出乎意外，件扒好鬆軟，味道剛好，仲怕我食唔哂，點知我食哂個老闆仲問我好唔好食？呢個係佢哋師傅特製，佢仲話好食多啲黎食，比多啲意見佢地，而家仲有呢啲甘有heart 嘅老闆，真係冇得頂，我都唔客氣講下我嘅意見講食物👌不過啲裝修就。。。個老闆面紅紅都話會架，會裝修，依家主要搞好啲食物先，佢仲話你地啲客仔要多多支持。講真心，都值得試下，下次再黎我都會再試下