泰利斯餐廳 (已結業)

好耐都冇同朋友相聚食飯，因為大家都好忙，唯有選一個大家都就腳嘅點，所以我哋選擇咗尖沙咀既「泰利斯餐廳」，餐廳內整潔，光線充足，坐既櫈又好舒服，侍應人手夠，服務態度很好👍🏻餐廳地點都好近地鐵站，食完飯仲可以行陣街添😊餐廳范圍都好大，座位間寛闊，無擠逼感。紐西蘭肉眼(10oz) $198原本諗住件扒係手掌咁大，點知上碟時睇到係差唔多塊面咁大，即刻食慾大增，急不及待砌開佢食。我哋叫咗7成熟，成品完全符合我哋要求，味道十分之好味，肉味香濃，表面煎得香口，絕對可以滿足愛牛人士😌海鮮明太子意粉$158醬汁好杰，但食落唔會覺得好滯，味道同出面西餐廳食既好唔同，味道特別啲，可能因為味濃一啲，所以覺得好味啲。佢仲有虾、青口、帶子，都好食。辣茄藍青口 $78茄汁味比辣味濃，辣只係少少辣，配上藍青口味道都唔錯。龍蝦湯 (跟餐+$58)海鮮味濃，好杰，有龍蝦肉，好味，不仿一試。