Dr. Panini de Home-made Kitchen

營業中

休息中

今日中午, 同同事諗住行遠D, 試下新野, 見門面設計幾吸引, 入面裝修又幾靚, D菜式好似幾吸引, 又唔洗等位, 就試下。裏面既裝修係幾別緻既!我叫左個鐵板雜扒, 叫之前問個侍應有咩, 佢淨係話有豬扒同雞扒, 冇講有牛扒, 因為我唔太鍾意食牛扒, 點知黎到有好多野, 有雞扒, 豬扒, 牛扒, 芝士腸, 煙肉, 如果佢一早話我知有牛, 我通常都會轉做雞或豬, 豬扒同雞扒肉質麻麻, D肉比較鞋, 牛扒可能煮耐左, 好韌! 同事叫左牛扒鐵板燒, 無問佢幾成熟, 黎到都係好韌, 同事話60分合格的話, 只給50分。女同事叫既龍脷柳意粉, 反而Ok. 塊龍脷柳肉質嫩滑, 整體合格。用餐途中, 侍應生態度不太禮貌, 我地事後都話下次唔會再幫襯。