The Flame Bar & Restaurant

營業中

休息中

同朋友慶祝生日去觀塘一間西餐廳食飯，真係好開心！我同朋友都揀咗牛扒任食套餐，啱晒我哋最近健身想食多啲牛扒嘅需求。個套餐可以加湯同沙律，最吸引就係有超好食嘅澳洲特級安格斯牛扒仲有薯條都係任食，真係實現牛扒自由！呢個優惠係星期一至四都有，真係好抵。開始時我哋叫咗一份五成一份三成熟嘅牛扒，食完之後其實都好飽啦，因為有八安士～ 但係兩個人share都可以叫多一份三成熟牛扒。驚喜係，原來三成熟都咁好食，肉質嫩滑，真係好想再食多幾份！講到甜品，真係不得不提嗰個火燒焦糖燉蛋。佢係用火燒過後，個燉蛋就會出現，食落去香滑得嚟仲有焦糖香味！慶祝生日真係一個驚喜！另一個甜品係提拉米蘇，味道同樣出色，層次分明，食完真係好滿足。飲品方面，我哋選咗兩杯mocktail，Virgin Colada同Virgin Mojito。Virgin Colada飲落去清新，椰奶味道濃郁，完全冇負擔；而Virgin Mojito就係清爽又帶有薄荷味，真係一流。