Public (已結業)

餐廳在商廈中層轉lift樓層，樓底高，窗外景致寬廣，藍天青山，坐位闊落舒適，陽光中午餐好減壓。set lunch 5款，加錢可以點另外5款。午餐有前菜+主菜+飲品+/甜品。餐包好鬆軟，黑芝麻麵包香氣四溢，另一款麵包帶有少少辣味，好有特色👍前菜同好友一樣要咗煙三文魚，油香滿滿，再加埋佢地啲雜菜，新鮮有益之餘，乳酪汁平衡咗魚油的油膩感主菜要咗娘惹海鮮咖哩飯。咖哩係東南亞椰漿風味，香滑帶少少辣。配上魷魚圈，蝦，魚柳，青口，洋蔥，豐富美味。可惜餸料太多，咖哩汁唔夠撈飯😆好友要咗牛扒七乘熟，煎得剛剛好，表面少少焦香，而裡面仲係粉嫩有肉汁，而且成件牛扒都無筋，正甜品要咗麵包布甸同埋菠蘿奶凍。布甸大大件，肉桂味唔會搶咗雲呢拿味，軟熟好味。奶凍香甜滑溜。