夏捌月 (已結業)

之前已經有試過係夏捌月食過，水準幾好。幾年之後又去睇下佢質素點先，一樣都係晚餐黎，又係兩個人。見到佢啲set dinner 好似幾抵咁，一百蚊左右就有齊餐湯同熱飲。本身想叫牛魔 ver. 2.0，可惜已經賣哂，首先叫咗個鵝肝茄蓉芝士肉醬燴飯。朋友想試下呢到既扒餐，既然冇set dinner 就直接試下慢烤帶骨肉眼牛扒配牛骨髓汁。餐湯好快送上，紅湯唔錯幾正宗，入面足料有唔少牛肉，味道唔會太嗆辣。個扒好夠份量，大塊得黎夠厚，當然肉質好緊要啦，佢唔會好似其他扒房會落好多鬆肉粉，肉味濃而唔柴。平時叫開五成熟，今次個五成熟做得幾精準，唔會太rare 或者太熟。值得一讚既係佢個薯菜做得好出色，粗薯角既shape 一咬落去啖啖薯仔。燴飯唔會煮到好似意大利飯個種硬度，比較偏近香港人既口味。茄蓉煮到個飯好入味，茄蓉味酸酸地，平時食燴飯會好易飽，呢個唔會太膩。鵝肝稍微煎香上碟，加哂分。