Table 18 Bar & Restaurant (已結業)

好耐冇幫襯過佢嘅午餐，以前有去食開，但慢慢質量開始下降，價錢開始上升，就停咗一排，今日路過就去試吓，睇吓比起以前好咗定差咗。佢晏晝好好生意，如果冇訂位通常都只可以坐門口。我同友人主菜都揀咗牛扒，幾好食，叫medium 真係做到medium明明牛扒質素都唔錯，唔知點解佢要比醬汁，因為冇預期佢會有醬汁，冇叫佢走汁，個感覺downgrade晒，同埋我真係好討厭食呢類型醬汁，靚嘅牛扒少少海鹽，黑椒，芥辣已經好足夠。自助頭盤嘅選擇唔多，呢度已經差唔多係全部，只有薯仔沙律我冇拎。餐包幾款都講唔上好食，又唔熱，法包唔硬，軟包唔軟，唔知想點，牛油反而唔錯。個湯難飲到一個點，係忌廉湯，有啲紅蘿蔔粒粒，試咗一啖放棄咗。咖啡：唔香，味淡，奶冇加熱，對咖啡有要求嘅人建議飲檸檬茶。連牛扒主菜大約$150 位如果食意粉會平啲，大約100頭。服務正正常常，唔覺得佢殷勤，都唔覺得佢太差。總結，主菜幾好食，其他好普通，响附近諗唔到食咩都可以一試。我就短期內唔會再去，因為呢個價位都可以有好多選擇。