Steak Bar (已搬遷) 新店位置

除非有特別日子會去蘭桂坊，平時都好少過來，今日係中環做完facial ，之後約埋朋友去老蘭走個轉。而家老蘭多咗好多餐廳，仲有車仔麵，但今日好想食牛排，行過呢間食牛排餐廳，都有幾多客人係到，就入去試下。餐廳侍應生介紹佢地餐廳有幾種牛排，有吉列牛排，會跟隨個爐去自己煎一煎，另外有安格斯西冷牛扒及每日限量嘅板腱牛排。我有d喉嚨痛，所以我冇叫吉列牛排，我叫咗西冷牛，而我朋友就選咗板腱牛。除左牛排，佢哋仲有其他小食，仲有啤酒sake同其他酒類飲品。西冷扒連沙律及飯，飯上面仲有日式香鬆，好豐富呀。我叫五成熟剛剛好，有牛味，冇雪藏味，肉質細膩，好食。我朋友嗰個板腱牛。五成熟剛剛好，肉質好軟熟，好juice，未試過咁好食，物超所值。總括來講，板腱牛值得一試，食物質素好，環境尚可，不是很浪漫嘅牛排屋，但是非一般嘅牛排屋，下次一定要試佢地個吉列牛排。