明興牛什粉麵茶餐廳

營業中

休息中

舊區揾到間好平嘅牛雜粉麵店舖，一於入去試下。入到去兩邊都係卡位，中間就有一張圓檯，裝修都有啲舊，餐牌一張睇哂，除咗粉麵之外，還有常餐、公仔麵、三文治餐同經濟客飯等，粉麵劃一都只係28元，都算抵食。兩個人叫咗牛腩麵跟餐飲、牛雜撈粗麵同一碟蠔油芥蘭。牛雜撈粗麵（$38），碗湯冇乜味好清，牛雜有牛肚、牛腸、牛肺同牛膀，牛腸有油脂香味，其餘味道只屬一般，粗麵較淋身。牛腩麵跟凍奶茶走甜（$36）牛腩都唔錯炆得夠淋，麵就好普通，奶茶都ok 。蠔油芥蘭（$14）份量較少，唔抵食。