影片
更多
2024-08-08
339 瀏覽
一個weekend lunch，食到好似fine Dining咁，其實可以唔貴又好食。尖沙咀嘅”The Grill Room”周末中午主力做set lunch。有普通lunch menu和Executive lunch。普通lunch menu百幾元連一杯飲品，而Executive lunch已包沙律、湯、main和甜品，就HKD 298。一場嚟到，每樣叫一種😎。 當中Executive lunch嘅”美國頂級牛板鍵盤蘑菇燒汁”，係最令人驚喜。由於我食牛扒只食medium rare，我會非常留意個成熟情況。而佢係做得相當好之餘，啲牛嘅紋理望落去好似和牛咁靚。咬落去肉味四濺兼有油香，配菜嘅薯蓉同樣高水平，呢個main配番杯餐酒，一樂也。係啦，佢杯紅酒係澳洲嘅Shiraz，雖然唔係咩名產區，但丹寧柔順口感順滑，香料味突出酒精感重，作為餐酒頗為理想。至於普通lunch Menu我哋就揀咗Sea bass。呢個就正常發揮亦都煎得幾香口，襯龍蝦汁係唔錯，擺盤亦都好靚，個人認為佢嘅調味可以多少少。其他嘢方面，凱撒沙律同椰菜花湯係OK嘅。至於是日甜品係雲呢拿焦糖mousse cake，分層職嘅設計令
尖沙咀嘅”The Grill Room”周末中午主力做set lunch。有普通lunch menu和Executive lunch。普通lunch menu百幾元連一杯飲品，而Executive lunch已包沙律、湯、main和甜品，就HKD 298。一場嚟到，每樣叫一種😎。
當中Executive lunch嘅”美國頂級牛板鍵盤蘑菇燒汁”，係最令人驚喜。由於我食牛扒只食medium rare，我會非常留意個成熟情況。而佢係做得相當好之餘，啲牛嘅紋理望落去好似和牛咁靚。咬落去肉味四濺兼有油香，配菜嘅薯蓉同樣高水平，呢個main配番杯餐酒，一樂也。
係啦，佢杯紅酒係澳洲嘅Shiraz，雖然唔係咩名產區，但丹寧柔順口感順滑，香料味突出酒精感重，作為餐酒頗為理想。
至於普通lunch Menu我哋就揀咗Sea bass。呢個就正常發揮亦都煎得幾香口，襯龍蝦汁係唔錯，擺盤亦都好靚，個人認為佢嘅調味可以多少少。
其他嘢方面，凱撒沙律同椰菜花湯係OK嘅。至於是日甜品係雲呢拿焦糖mousse cake，分層職嘅設計令到佢各種味道都可以突出到。Flat white就正常發揮，可能個花可以拉返靚啲？
果然冇改錯名，”The Grill Room”最出色嘅就係佢嘅牛扒，係好多會令人記得嗰種。
張貼
