扒王之王 (已結業)

前排經過青衣城出面條海濱長廊，隔玻璃望入潛艇扒王，感覺氣氛唔錯，於是決定和男友揾晚試吓呢間臭名遠播嘅扒房。環境沒想像中浪漫，唯一好處係樓底夠高。這裡的木地板非常痴立立，感覺噁心，最大獲係啲布櫈，又梅又舊，坐到我周身唔自在。Service一啲都唔pro，侍應連medium rare都唔明，反問我係唔係要7成熟。侍應制服穿得頗哩啡，其中一位女侍應更將成搭六合彩飛亂擠在口袋裡，離哂普！經過一輪商議，我決定要$128的8oz極黑豬扒餐，男友就要$132的8oz medium rare煲呔牛柳餐。套餐連麵包、餐湯、薯菜和餐飲，麵包是暖的，算係咁啦；餐湯要了蘿宋湯，一貫港式西餐廳水準，不過不失。到主菜，先論煲呔牛柳，厚切的牛柳火喉控制出奇到家，肉質一點也不韌，令我和男友喜出望外，薯條炸得香脆，卻不夠熱辣燙口。我的極黑豬沒煲呔牛出色，件豬扒起碼七成都是鞋肉，只有少量連骨部位帶有入口即溶的感覺，食味非常麻麻，不推介！百零蚊一個set，又湯又扒又餐飲，其實幾抵食，不過我哋都應該唔會再幫襯，尤其係青衣城呢間，因為實在有點污糟。反而有啲興趣試灣仔碼頭個間，裝修好像不錯啊。