花園餐廳 (已結業)

今晚想据扒，但又唔想消費太高，就黎左花園餐廳度食。夜晚7點去可以直接入座。晚餐佢地奉送餐包同牛油，個餐包仲要係溫熱的奉送餐湯: 羅宋湯/忌廉湯當熱騰騰的鐵板牛排送上枱嘅時候，職員會提你用紙巾擋在鐵板前，因為避免淋燒汁/黑椒汁時會彈到件衫。聽到啲磁磁聲，就已經迫不及待想開餐了。我中意口感柔軟易咬的牛肉多啲，所以就叫左個鑊仔牛柳。一食落去，牛肉鮮美嘅肉汁就喺口腔入面爆發，真係好香同埋充滿牛肉的甜味咀嚼起黎口感好滑嫩同柔軟，完全就係我中意食嘅個種口味! 我叫左7成熟，所以個牛柳食落唔會覺得煮到老左/生左，係啱啱好嘅! 嘴入面滿滿都係香甜又鮮美的牛肉香味，連我朋友試完都話中意我呢份多啲佢就叫左個A級肉眼牛扒(紐西蘭)，都係7成熟，不過因為佢嘅厚度比牛柳厚一倍到，牛肉嘅中間係會比牛柳嘅生啲，口感會更煙韌。鐵板上面嘅薯條沾上黑椒汁，依然好脆，好好食花園餐廳真係CP值好高嘅据扒餐廳