PizzaExpress (皇后大道西) (已結業)

今年嘅新年同以往有啲唔同，多咗留喺屋企同家人渡過，想有啲新意，今日決定叫Pizza外賣慶祝一下牛年！一直都覺得PizzaExpress嘅食物整得比較用心，尤其係我好鍾意佢哋唔同菜式會用唔同嘅芝士，食得出唔同嘅層次！今次我哋外賣左可以2-3人食嘅如意套餐！外貌個樣都一樣精緻！一啲都唔失禮！頭盤有軟心芝士巴馬火腿烤蜜桃拼盤有火箭菜，Parma ham，軟心芝士，烤蜜桃，羅勒香草汁，個樣好吸引，份量都唔少，鹹香嘅Parma ham加上香甜嘅蜜桃，意想不到咁match！再加埋個羅勒香草汁，酸酸地味道又清新，nice！主菜可以揀兩款！揀咗牛肝菌西班牙腸薄餅同牛肝菌雞肉螺絲粉！另外升級傳統薄批！呢個新春Pizza真係不得了！芝士特別用咗Fontina，滿佈成個Pizza，芝士好滑，芝士味超級濃郁！牛肝菌同芝士好夾，更加可以提升牛肝菌嘅香味到極致，仲有惹味嘅西班牙腸，令人食完一啖想再食一啖！Pizza香脆鬆軟，大讚！外賣會將Parma ham同埋火箭菜分開，食之前加落去確保所有配料都係咁新鮮！飲品揀咗荔枝特飲同西柚特飲，兩款都好解渴解膩，又唔會太甜！