富源潮州打冷美食

營業中

休息中

行完牛池灣街市，個肚開始餓餓地，就揀左依間潮洲打冷大排檔。三個人叫左三份食物，碟碟都好足料又大碟，埋單三百蚊都唔洗，價錢都幾化算，而且坐落地方都好闊落，一啲都唔侷促，最岩一大班朋友聚餐。酥炸蠔餅比起出面其他煎蠔餅，依到既蠔仔粒粒都好大粒又彈牙，炸粉又唔會過多亦唔會炸過龍，份量足夠6個人食。滷水鵝片 第一次食到厚切鵝片，每一啖都好有口感，下層仲有滷豆腐墊底，真係食完一碟都已經飽左。勝瓜蝦乾勝瓜一啲都唔老仲好爽口，再用蝦乾提升鮮味，味道清清地唔油膩，食完一啲都唔口渴。