皇茶冰室 (已結業)

星期日，個天終於放晴。買送餸，便去路德圍食晏。因為附近的餐廳、麵店、米線店都好多人排隊等位，唯獨這間冰室無需等位，所以就入了去。雖則唔使排隊，其實裡面都差唔多full。餐廳無咩特別裝修，好彩冷氣夠。要讚的就係裝咗幾部大電視機，咁啱重播緊夏日麼麼茶，Sammy 好後生呀!叫咗乾炒牛河、雞扒拼腸飯、熱奶茶和熱咖啡。【雞扒拼腸飯】份量都好夠，一定食得飽。個黑椒汁略為杰咗啲，亦唔多夠辣。雞扒就好大塊，外皮有少少脆，腸仔就係至普通的廚司腸。整體評語係，令人食得飽的黑椒雞扒腸飯。好夠鑊氣，幻可以比美酒樓炒嗰啲。牛肉都多，不過少少韌。【奶茶】茶味 good，而且滑。【咖啡】正宗茶記嗰種，而唔係美式連鎖店嗰種，好飲嘅。至於服務就一般般，而且漏單，漏咗幫我落杯熱咖啡，可能係客人多關係，一時忘了。