小越南 (已結業)

咁啱去開美孚做野，可以試吓呢間越南菜。一人叫一個午餐（包野飲），另加人人推薦既牛油雞翼。牛油雞翼($59/5隻)即叫即整，熱辣辣上枱每隻雞中翼都好飽滿，勁多肉～雖然係炸既，但唔覺好熱氣。重點當然係雞翼面既牛油同蒜蓉粒，勁香勁惹味！但呢個價錢，老實講，貴咗D……囉。扎肉湯檬($44)，扎肉只有薄薄幾片，湯底略鹹。雞絲撈檬($44)，份量好似比湯檬為多，雞絲有少少雪藏味，味道普通。呢度既牛油雞翼果然係出色既，但唔太抵食，而其他野食都係普普通通。下次去美孚，應該會試吓其他餐廳喇。