越色牛肉粉餐廳 (已結業)

牛油雞翼，好香好脆好有味。不過，菜牌明明寫明係雞全翼兩隻，分四件。佢真係每隻翼分左兩件，一件一中翼連翼尖，一件係雞槌。不過，兩隻雞槌都俾人斬左半隻去。即係唔係全翼啦，你唔寫全翼都還好，寫明全翼都斬左D去，有少少被騙感覺，雖然真係好食。 火車頭生牛湯河，湯好咪，河粉煙韌，值得再食。燒豬肉檬粉，燒豬肉好香味，可惜檬粉不是一般食的，爽口檬粉。鹹梅七(不是鹹檸七)好好飲，又酸又咸又甜。服務好一般，叫左幾次加水，都得個應字，冇人真係加。