影片
更多
2020-05-31
1903 瀏覽
我對東南亞地區食品真係情有獨鍾㗎，今日一間K11嘅越南野，未講食前先講環境，開得喺K11 Musea點都有裝修，有佈置，所以對食物質素都有一定嘅要求，喂星期五嘅8:00去用餐，排隊的時間對我黎講幾耐，排咗大約30分鐘，幸好對出可以有啲座位可以同朋友傾吓計時間會過得快啲。終於輪到我哋啦，甫入到去就覺得非常之凍，一般女仔應該都應該覺得凍，所以男士們記住提身邊嘅女伴攞返件衫，一坐低佢都比低兩張消毒濕紙巾俾我哋抹手，我覺得呢個位可以加分。老老實實佢份Menu d名真係唔可以令人直接可以order到佢嘅嘢食，你要細心睇佢下面係有啲乜材料，睇咗半日終於叫咗三個餸：牛爽腩粉，西貢火車快，牛肉卷。先上牛爽腩粉，我已經滿頭問號點解會主食先上，算啦我都唔想同佢計較。佢嘅配料同個面係分開上，呢個細心為我覺得係唔錯嘅，因為每一個人嘅口味都唔同，我先試一啖湯，個湯底做得唔錯，河粉嘅軟硬適中，唯一可惜嘅係凍得超快，尤其是頭先講過餐廳內嘅冷氣超級凍，而且河粉本身非常之吸水，所以好快成碗河粉好快就又凍又乾，首先介紹下咩係牛爽腩，牛爽腩係牛肋下兩邊近肚皮位置，而琴日我食嘅牛爽腩肉質很好，瘦肉多過肥肉，完全唔油膩，但係有
我對東南亞地區食品真係情有獨鍾㗎，今日一間K11嘅越南野，未講食前先講環境，開得喺K11 Musea點都有裝修，有佈置，所以對食物質素都有一定嘅要求，喂星期五嘅8:00去用餐，排隊的時間對我黎講幾耐，排咗大約30分鐘，幸好對出可以有啲座位可以同朋友傾吓計時間會過得快啲。終於輪到我哋啦，甫入到去就覺得非常之凍，一般女仔應該都應該覺得凍，所以男士們記住提身邊嘅女伴攞返件衫，一坐低佢都比低兩張消毒濕紙巾俾我哋抹手，我覺得呢個位可以加分。老老實實佢份Menu d名真係唔可以令人直接可以order到佢嘅嘢食，你要細心睇佢下面係有啲乜材料，睇咗半日終於叫咗三個餸：牛爽腩粉，西貢火車快，牛肉卷。
先上牛爽腩粉，我已經滿頭問號點解會主食先上，算啦我都唔想同佢計較。佢嘅配料同個面係分開上，呢個細心為我覺得係唔錯嘅，因為每一個人嘅口味都唔同，我先試一啖湯，個湯底做得唔錯，河粉嘅軟硬適中，唯一可惜嘅係凍得超快，尤其是頭先講過餐廳內嘅冷氣超級凍，而且河粉本身非常之吸水，所以好快成碗河粉好快就又凍又乾，首先介紹下咩係牛爽腩，牛爽腩係牛肋下兩邊近肚皮位置，而琴日我食嘅牛爽腩肉質很好，瘦肉多過肥肉，完全唔油膩，但係有啲凍咗，加上一啲佐料食，係清新同牛之間均等好處。
第二餸係西貢火車快，你睇個名完全唔會估到佢食啲乜嘢，原來佢一個類似手撕雞嘅沙律，依個沙律明確有分左四層，最底層嘅係黑芝麻米餅，上面係現成嘅沙律菜，仲有一層係雞肉，同埋佐料，對個食雞麻麻哋嘅女仔來講，呢一個手撕雞又的確太乾身，後來稍作諗乜諗，咁都用一格嘅米餅，加沙律菜加咗料加雞，仲有加埋朦粉汁，咁樣食有別有一番滋味，起碼我做到濕潤適中容易吞嚥。
最後一個係牛肉卷，呢一個牛肉卷，最特別嘅地方係佢有越南最常用嘅濱海，做咗少少功課咩係濱海：濱海係越式米粉類嘅麵餅，屬於軟身同熱食嘅，上面會有蔥花同埋炸蒜等等佐料，越南人通常嘅食法就係拎一塊濱海擺喺生菜上面，然後再擺上其他餸菜，一次過食，其實食法有少少似泰式生菜包。今次食嘅牛肉卷，佢係用咗pepper leave包住嘅牛肉，口感有啲粗糙，然後佢今次係比切碎嘅沙律菜比我地，食上去都幾唔方便，特別係要儀態嘅女仔，而且好乾身，我不斷飲水，唯一嘅亮點係佢有一個類似椰汁沙嗲醬帶動成個菜式嘅味道，呢一個醬係有加分嘅。
最後就講一講佢哋嘅service，基本上係冇Service可言，除咗上菜Order，d 侍應都唔會主動嚟serve你，但係你又睇佢又唔係特別忙，所以我覺得呢個位我唔能夠比分佢。不得不提嘅呢間舖頭非常之旺場，都幾多外國人黎食。Open Rice check過佢有四間分店：尖沙咀K11 Musea、中環大角咀、上環。
今次食咗每人大約$170，食唔食就自己衡量啦。
餐廳：BÊP Vietnamese Kitchen, TST, K11 Musea
牛肉卷
42 瀏覽
0 讚好
0 留言
西貢火車快
36 瀏覽
0 讚好
0 留言
張貼
