hEat (已結業)

2019年2月10日。晴。灣仔。新正頭行完喜氣洋洋嘅喜帖街嚟到QRE Plaza搵食～呢棟大廈差唔多成棟都係餐廳，呢日就試下新奇嘢～間餐廳叫hEat，情調氣氛都唔錯～出𨋢後最觸目嘅就係右手邊嘅幾個冷藏櫃入面擺咗餐廳嘅主角—熟成牛行埋去睇就會見到每一舊牛肉都寫低咗個重量同埋開始熟成日期，雖然未食，但見到都流晒口水餐廳近窗位置會有啲特色座位，有韆鞦坐㗎～～～又好似幾好玩咁喎！坐低之後，店員就攞咗本餐牌畀我哋，餐牌個封面竟然係真皮！！！極具質感！再加埋雲石pattern嘅餐碟～身為偽文青嘅我，對餐廳好感大增！法國生蠔（2 x Fine de Claire + 2 x L’ideale)，計番$64.5@超級新鮮！海水味濃，每人一隻，令人欲罷不能，但要留肚食其他嘢～～Langustines (300g)，$152同平時食開嘅龍蝦唔一樣，呢款係冰島龍蝦～體型比平時食嘅美國或者澳洲龍蝦細，肉質亦較腍，但係味道鮮甜～300g已經有5隻！好抵食～配合蒜蓉沙律醬可以令滋味昇華～～Striploin 30 days (250g)，$495主菜嚟啦～熟成30日嘅美國Ohama牧場牛肉！第一次食熟成牛肉，感覺