牛角日本燒肉專門店 (已結業)

一大班食肉獸每月飯聚，有人收早有人收夜，有少少難夾時間食飯，對比旺角一堆百零二百既平價放題有機會要踩伏，於是就決定比多幾十蚊食牛角放題，即日訂位都有位，非常好。九點開波食，八點九去拎位，等左15-20分鐘就入得去食。不過門口等位既人太多，地方太窄，要人貼人咁企，有點辛苦，如果唔洗預早去拎位，打個電話覆返拎位直入就好了。幾經辛苦入到去食，個個都搶ipad叫野食，叫到一檯都係肉.....牛舌、牛肋肉、腹胸肉、豚肉燒、雞腿肉、大腸、牛肚、豬頸肉，原汁原味最好食，鹽味較咸，所以冇叫....牛肋肉同腹胸肉既雪花分佈均勻，好重牛味，必食牛肚同大腸比較難咬開，都係牛舌好味。豬腩肉搶火，容易燒焦，要叫職員換網。除了燒肉外，溫泉蛋牛角飯、凱薩沙律同生菜包都唔錯，包住肉食可以減少油膩感，牛肋肉同牛舌係必食之選，點少少燒肉汁可以吊起陣油香味，海鮮類就推介石班，肉質爽口彈牙。