牛極 (大河道) (已結業)

話說今日又出開荃灣做啲嘢，做完私事又係時候醫下個肚。今日突然好想食牛。最後比我見到呢間牛極，啱晒喇，咁就入去食下啦。餐廳採用自助形式點餐。門口會放咗一部機係到。除咗牛之外另外仲有午市套餐。因為我本來就想食牛，最後點左牛柳之後就搵個位坐低。餐廳係沙律，湯，飯甚至係餐具都要自己出去拎。沙律菜新鮮爽口，而今日餐湯係羅宋湯。主角牛柳出場。牛柳會伴隨一舊熱石上。而牛只會煮到一成熟左右，客人可以按自己嘅喜好將牛放係熱石上面煮熟，牛柳肉汁豐富，牛味出色。基本上唔洗加任何醬料淨送白飯已經好好食。