影片
更多
2017-10-14
1442 瀏覽
今晚同朋友慶祝生日，食咩緊係壽星女揀，佢最鐘意打邊爐，千挑萬選揀左牛陣。平日早到唔洗等位，但8點後開始多人就要等。好彩我地都算早，即刻就入得。嚴選牛肉$179加一--我地揀左中等價位既牛，仲可以包埋豬柳肉同豬肋肉。一上菜先嚟3碟肉，2牛1豬，牛肉都ok唔會太肥，都有牛味，唔會好鞋。豬肉令我有驚喜，估唔到都幾靚，而且唔會好薄，啱啱好，都好好食叫左2轉。之後上既牛同豬肉都同第一次差唔多。湯底揀左壽喜燒，真係每次必叫壽喜燒配料都係丸、菜、豆腐、腸仔之類。特別既係豆卜係珍珠豆卜，比平時細一半，一啖一粒好快就食好多。而菜有羽衣甘藍，平時放題好少見有e種，好似e款菜都唔平估吾到放題都有，當然要試下，味道都ok。拎野既時候聞到好香咖哩味，見咖哩都好重料，有薯仔、紅蘿蔔同牛肉，一於試下。係日式既咖哩，好好味，啱唒我胃口。壽喜燒湯底放日式拉麵同公仔麵估唔到都好夾，每樣都食左d，唔洗次次落烏冬。食到咁上下，緊係食返個雪糕結尾。雪糕係Haagen-dazs，當日有咖啡、士多啤梨、曲奇同夏威夷果仁味。忍吾住食左3球，落埋最愛既蜜糖星星、可可米同粟米片，真係超滿足！整體上都唔錯，會再嚟，下次試下日本和牛，和牛餐
平日早到唔洗等位，但8點後開始多人就要等。好彩我地都算早，即刻就入得。
94 瀏覽
0 讚好
0 留言
嚴選牛肉$179加一--
我地揀左中等價位既牛，仲可以包埋豬柳肉同豬肋肉。一上菜先嚟3碟肉，2牛1豬，牛肉都ok唔會太肥，都有牛味，唔會好鞋。豬肉令我有驚喜，估唔到都幾靚，而且唔會好薄，啱啱好，都好好食叫左2轉。之後上既牛同豬肉都同第一次差唔多。
143 瀏覽
0 讚好
0 留言
湯底揀左壽喜燒，真係每次必叫壽喜燒
配料都係丸、菜、豆腐、腸仔之類。特別既係豆卜係珍珠豆卜，比平時細一半，一啖一粒好快就食好多。而菜有羽衣甘藍，平時放題好少見有e種，好似e款菜都唔平估吾到放題都有，當然要試下，味道都ok。
拎野既時候聞到好香咖哩味，見咖哩都好重料，有薯仔、紅蘿蔔同牛肉，一於試下。係日式既咖哩，好好味，啱唒我胃口。
壽喜燒湯底放日式拉麵同公仔麵估唔到都好夾，每樣都食左d，唔洗次次落烏冬。
70 瀏覽
0 讚好
0 留言
食到咁上下，緊係食返個雪糕結尾。雪糕係Haagen-dazs，當日有咖啡、士多啤梨、曲奇同夏威夷果仁味。忍吾住食左3球，落埋最愛既蜜糖星星、可可米同粟米片，真係超滿足！
整體上都唔錯，會再嚟，下次試下日本和牛，和牛餐仲會有牛舌
張貼
