牛石料理 (已結業)

呢間係九龍城既日本料理好出色，鋪頭都放佐好多海鮮裝飾，幾有感覺！前菜食佐磯煮鮑魚，鮑魚用磯煮嘅方式，煮到有啲淋淋地，但都保持到爽彈嘅口感，亦都好香醬汁嘅味道，大大隻嘅鮑魚好正🤓壽司食佐海膽吞拿魚腩蓉卷，海膽係撈埋喺啲飯入邊嘅，咁樣反而又幾好味，吞拿魚腩好多，啲魚蓉都好幼滑，係口感有層次嘅壽司😙料理食佐沖繩苦瓜豚肉炒蛋，炒蛋整到好似奄列咁，入邊包住苦瓜同豚肉，成個味道都好配搭，苦瓜係苦苦地，但係反而有種甘甜味，再配埋豚肉嘅香同埋炒蛋嘅香，味道好好😛串燒食佐日式燒雞翼，雞翼係開邊咁樣叉住黎燒，燒得好勻循，每一邊都係外脆內軟，唔會太鹹，味道啱啱好，口感都係啱啱好😎