榮發粉麵專家 (已搬遷) 新店位置

呢間麵店喺紅磡都真係開咗好多年，其實喺佢附近都有好幾間廣東式麵店，不過始終都係鍾意幫襯呢一間。喺呢度咁多種麵入面，我個人比較鍾意佢嘅牛筋腩同埋雲吞，牛筋腩好香，個汁好惹味，又夠淋，好味；雲吞入面嘅材料新鮮，尤其是係d蝦肉，所以我通常會叫牛筋腩粗麵再加多個淨雲吞。胃口再好d嘅時候，我會食埋佢個炸魚皮。而除咗牛筋腩同埋雲吞之外，我覺得佢嘅水餃其實都唔錯，不過如果要喺水餃同雲吞之間揀一樣，我會選擇雲吞。另外，佢d麵有大碗同細碗之分，想食得飽d可以叫大碗，如果驚食唔晒的話就可以要個細嘅，呢間麵店，我誠意推薦！