潮牛腩

營業中

休息中

店內都係一般粉麵舖頭，地方唔係太大，但就乾淨企理，而且見到佢壁報板上好多相片，都係同食客影黎留念。牛筋腩河粉、豬碲筋河粉湯底唔會太多油，都係清甜，牛筋腩炆得夠腍，牛筋煙韌彈牙，豬碲筋口感爽有咬口，冇牛筋咁腍。而且佢係配白蘿蔔，蘿蔔清甜唔老。油菜揀菜心菜心細細條夠嫩冇渣，清清地冇落蠔油。咖哩魚旦咖哩辣味適中，魚旦彈牙，佢有埋咖哩薯仔，d咖哩汁都好多，兩樣野都入味。發現原來佢哋有蒸飯同老火湯，咁下次先食。