茶・丼飯

營業中

休息中

放工買咗個外賣-牛肉丼飯，等候時間差唔多15分鐘。未見過煮得咁冇心咁嘔心既丼飯。難食到以後唔會幫襯。飯煮到濕嗲嗲，並唔係因為等待，倒汗水沾濕而濕嗰種濕。而係因為混米，普通米同珍珠米同煮互相遷就時間，煮到成碗粥咁濕。濕到又黐埋一舊，黏合到可以用叉得起。真係唔好因為慳時間而咁樣煮米，拜托啦。咁樣煮出黎真係好冇心地煮。另外牛肉都係未見過賣相咁差，望落去似餿水咁，真係食都食唔落😥。牛肉煮到韌一韌，勁多根，好似咬緊橡筋咁，又咸，最後硬住頭皮唔想浪費食物，勉強食完，但係自己都唔知食咗乜咁。都差唔多要$50，咁嘅品質真係食左都唔知食緊乜，對唔起呢個價，cp值非常低。以後都唔夠膽去食，希望店舖自己唔好為慳時間，而咁浪費食物，改善一下吧。