肉浦團火鍋放題

營業中

休息中

朋友介紹依度d牛肉放題好正，有7種唔同既牛肉，3款澳洲牛M5/M8/穀飼牛； 4款美國牛肉，有肉味重既，亦有油香重，味道各有特色， 除左牛肉之外，仲有大眾化既港式火鍋，款式都好多，有海鮮、豬皮、牛柏葉、各式丸類同蔬菜。 依度既響鈴同炸魚皮係自家制，熱辣辣鮮制， 特別鬆脆。 特色湯底有8款，今日叫左個冬陰公湯底，好濃酸辣味適中，食物吸收湯底既味道，好醒胃及提升味道。依度既裝修環境非常別緻，地方好寬敞，又夠光猛，檯與檯之間夠晒安全距離，地方又好清潔衛生。 自助飲品幾有特色，除左港產飲品外，仲有台灣同韓國出既飲品。依度個勝價比超高，仲要有質素，食完仲有雪糕一杯 Häagen-Dazs。