影片
更多
2022-06-11
336 瀏覽
短版：食到一半發現啲牛肉有啲黑色一點點(如圖)，唔知係咩黎，即時無哂胃口兼反胃。成餐食完又痾又嘔。長版：入到去坐底見到張櫈係甩甩地皮既，男仕就無所謂，帶女仔的話可能坐得唔係咁舒服。坐底就攞野飲先啦，疫情底下其實都慣左飲罐裝用飲筒。因為運送過程唔知個罐口有無放地下或者落雨滴污水滴雀屎之類，直接用口飲就有少少污糟。但係餐廳就無提供飲筒，如果係環保問題可以提供紙飲筒，食你幾百蚊一餐任食，無理由紙飲筒都要慳嫁。咁呢個位已經有少少不滿。後來食食下野無啦啦有隻手由後面伸過黎拎起我罐野飲搖一搖，嚇到小弟個心離一離，原來係侍應拎起搖一搖睇下飲哂未。我望住個侍應隻拎完生肉又一直執枱既手，摸完我罐野飲就走，莫名感覺到一種美好事物比人係眼前沾污既感覺。大佬我罐野飲放咁近，個位點都唔似有示意你收走。又無飲筒又唔想拎起罐野，未飲哂都唔想飲。重點黎喇，食到一半發現啲牛肉有啲黑色一點點(如圖)，唔知係咩黎，即時無哂胃口兼有啲反胃。食過咁多間牛鍋，都係第一次見牛肉上面可以有黑色點點仲要拎出黎比客。無咩胃口想試埋個雪糕就走，雪糕就係無牌子批發大桶裝嗰隻，放係出面比大家任掘。疫情之後都好少見有餐廳夠膽咁做，比個個都可以放
食到一半發現啲牛肉有啲黑色一點點(如圖)，唔知係咩黎，即時無哂胃口兼反胃。成餐食完又痾又嘔。
長版：
入到去坐底見到張櫈係甩甩地皮既，男仕就無所謂，帶女仔的話可能坐得唔係咁舒服。
坐底就攞野飲先啦，疫情底下其實都慣左飲罐裝用飲筒。因為運送過程唔知個罐口有無放地下或者落雨滴污水滴雀屎之類，直接用口飲就有少少污糟。
但係餐廳就無提供飲筒，如果係環保問題可以提供紙飲筒，食你幾百蚊一餐任食，無理由紙飲筒都要慳嫁。咁呢個位已經有少少不滿。
後來食食下野無啦啦有隻手由後面伸過黎拎起我罐野飲搖一搖，嚇到小弟個心離一離，原來係侍應拎起搖一搖睇下飲哂未。我望住個侍應隻拎完生肉又一直執枱既手，摸完我罐野飲就走，莫名感覺到一種美好事物比人係眼前沾污既感覺。大佬我罐野飲放咁近，個位點都唔似有示意你收走。又無飲筒又唔想拎起罐野，未飲哂都唔想飲。
重點黎喇，食到一半發現啲牛肉有啲黑色一點點(如圖)，唔知係咩黎，即時無哂胃口兼有啲反胃。食過咁多間牛鍋，都係第一次見牛肉上面可以有黑色點點仲要拎出黎比客。
無咩胃口想試埋個雪糕就走，雪糕就係無牌子批發大桶裝嗰隻，放係出面比大家任掘。疫情之後都好少見有餐廳夠膽咁做，比個個都可以放隻手落去掘。呢種形式我以前親眼見過有細路係成隻手插入去徒手掘雪糕食...
個雪櫃應該係唔夠凍，個朱古力味雪糕溶到好似落完雨地盤啲泥漿咁，呈現一種泥水混合物既獨特質地。
成餐食完仲有效過食瀉藥，我地兩個男人食完行到去K11，兩個都忍唔住，衝入廁所差啲要爭廁格用，兩個痾到七彩。返到屋企又再痾嘔左幾次，食完第二日都無胃口食野，排毒節食效果一流。
講真成件事係災難級，除左牛肉有黑點不可原諒，其他本來都係小問題，但係加埋一齊就係一個錯誤既集合體。
見到佢隔離仲有做西餐，係同一間鋪兩邊通既。火鍋咁低門檻既食物都做成咁，食佢個西餐真係祝大家好運。
張貼
