毓民私房牛肉麵 (已結業)

正當頭痕唔知邊度食宵夜，行過見到呢處，好喇，橫掂未試過。全店得幾客，叫左招牌牛肉麵。牛肉好淋，不過肉味稍遜，始終煲左好耐。試啖湯，好濃好甜，牛肉麵的湯一定要夠濃，呢個合格有餘。的羅白亦都煲得好淋，甜就梗的。麵就真是普通左的，用的是上海麵，我記得在台灣食過的牛肉麵，用的是粗身的奶油麵。根本上整體的味道可以，我都成碗食晒。不過我覺得的湯先是成碗麵的精華所在，著麵反而只是陪襯。同埋完全估唔到食完會咁飽，但廿八蚊碗就覺得有的貴。