榆越 (已結業)

天一商場食肆林立，平時接送小朋友去興趣班，我都喜歡喺度覓食！呢間榆越係我飯堂黎，我最中意黎食呢度嘅牛肉河粉🍲招牌嘅牛魔王湯河$89 有牛肉、牛肚、牛筋、金錢肚、牛丸，牛肚牛筋好軟腍，牛肉夠香夠濃郁。配菜有洋蔥、芽菜、九層塔、蔥粒，味道好豐富😋呢個越式辣醬雞翼$32(5隻)比較少見，甜辣口味，但又同泰式甜辣唔一樣，多左香料嘅襯托，香脆惹味。最後歎埋杯滴漏咖啡(+$14)☕️ 唔需加糖都好飲，黎到記得要試埋喇。餐廳座位闊落，坐得舒服。簡約整潔嘅裝修，非常企理。另外呢度嘅燒牛肉法包🥖好似都夠人推介，下次再試下先😌