影片
更多
2017-07-05
51 瀏覽
其實我有時都幾鍾意約朋友去isquare 食飯，貪佢痴住地鐵站嘛除咗方便外，就算落雨都唔怕淋濕，呢吓最正！見呢排成日落雨，所以我最後又約咗朋友去isquare 食飯由於朋友係食肉獸，見呢間韓燒個樣幾靚仔，所以我地就衝咗入去！點完嘢食，店員就開始幫我地整爐邊蛋啦！一共兩款味，原味同泡菜味，我比較鍾意食泡菜味，食落除咗特別有咬口外，仲辣辣地咁，唔錯。除咗爐邊蛋，我地仲加錢要埋個芝士粟米！拉絲效果超強單食或者配燒肉食都可以！之後就到主角牛上烤$288啦！食咗咁耐燒肉，都真係第一次見到有人可以將牛肉，砌到藝術品咁靚睇吓中間朵玫瑰，真係超有心機！呢盤牛上烤包含咗幾款唔同肉類，有牛小排、肉眼、牛肩胛脊、腹胸肉同牛舌。由於我地平時比較少入廚房，店員見我地雞手鴨腳咁，所以主動幫手成功打救咗我地！哈哈！呢粒牛肉粒超巨型，如果比我自己燒真係唔係好識燒由於太大粒，所以燒到一半嘅時候，店員會再將佢切片，再按我地要求燒到指定成熟度。油花豐腴，食落肉質軟嫩，而且好重牛味，唔錯！如果覺得單食單調，仲可以配埋生菜一齊食，食落無咁油膩外，口感都更加豐富。燒完肉，就可以燒蔬菜啦！呢啲都係份牛上烤包埋嘅，款式都幾多。食咗咁
由於朋友係食肉獸，見呢間韓燒個樣幾靚仔，所以我地就衝咗入去！
點完嘢食，店員就開始幫我地整爐邊蛋啦！一共兩款味，原味同泡菜味，我比較鍾意食泡菜味，食落除咗特別有咬口外，仲辣辣地咁，唔錯。
除咗爐邊蛋，我地仲加錢要埋個芝士粟米！拉絲效果超強單食或者配燒肉食都可以！
之後就到主角牛上烤$288啦！食咗咁耐燒肉，都真係第一次見到有人可以將牛肉，砌到藝術品咁靚睇吓中間朵玫瑰，真係超有心機！
呢盤牛上烤包含咗幾款唔同肉類，有牛小排、肉眼、牛肩胛脊、腹胸肉同牛舌。
由於我地平時比較少入廚房，店員見我地雞手鴨腳咁，所以主動幫手成功打救咗我地！哈哈！呢粒牛肉粒超巨型，如果比我自己燒真係唔係好識燒
由於太大粒，所以燒到一半嘅時候，店員會再將佢切片，再按我地要求燒到指定成熟度。
油花豐腴，食落肉質軟嫩，而且好重牛味，唔錯！
如果覺得單食單調，仲可以配埋生菜一齊食，食落無咁油膩外，口感都更加豐富。
燒完肉，就可以燒蔬菜啦！呢啲都係份牛上烤包埋嘅，款式都幾多。食咗咁多肉，點都要食番啲菜～
食燒肉又點少得啤酒哩，呢到竟然有我最愛嘅apple cider , 真係估你唔到～鍾意佢甜甜酸酸嘅感覺，配燒肉唔錯
本來都飽，但見呢到啲甜品個樣唔錯，最後又忍唔住叫咗一份可可控$68！waffle 做得好食，外脆內軟；不過我略嫌雪糕唔夠甜，如果雪糕再甜啲就更好啦
通常食完燒肉都會一陣味，一番到屋企，阿媽已經估到我去咗邊！今次番到屋企，阿媽竟然估唔到，証明呢到嘅通風設備都真係要讚
張貼
