阿木台灣麵 (廣華街) (已結業)

阿木台灣麵有兩間，兩間都係旺角，一間係廣華街，另一間係豉油街，無論邊個時間去兩間都係好多人排隊，最好上網拎定飛先，唔係既話通常都要等20分鐘先有位😂我建議最好去食廣華街果間，因為牛肉麵既質素係差好遠，其他野食就差唔多質素台灣小香腸 ($29) 煎得香脆幾好食芝士玉米蛋餅 ($40)蛋餅皮好煙韌，餡亦足料，芝士同蛋味好香唔會膩，正😋家傳鹽酥肉 ($39)通常食台灣野都會食鹽酥雞，但阿木既鹽酥雞好普通🙈鹽酥肉好食好多，炸得脆唔油膩，入面豬肉仲保持到嫩滑多肉汁，加埋啲味粉會仲好食😋紅燒牛肉麵 ($65)湯底清甜，麵條爽彈有咬口，但牛肉既質素比幾個月前黎食差左好多。牛肉全部都係牛𦟌，份量超多起碼有八九件，全部好厚身，未食過一間台灣牛肉麵啲肉係唔駛錢咁😂炆得好淋但冇肉味咁濟🙈以前食係又淋又入味好好食既🙈豉油街果間既牛肉麵我食過兩次，湯底濃度淡一半，牛肉都係啲頭頭尾尾既部位，有次仲要有膻臭味😓所以我係唔建議食豉油街果間價錢: $92/ 位環境: 6/10味道: 7/10性價比: 7.5/10