鬍鬚安火鍋菜館 (已結業)

男友的朋友帶我們來吃的一家HOTPOT。地道HOTPOT自家風味好重,家庭式作業幾溫馨。小食炸魚片頭新解滾熱辣,4個人食左兩碟,雖然平時晌屋企都整到,不過勝在平時晌出面都好似唔見有咩地方會有呢D家庭小食可以ORDER,特別係尋晚食完小肥羊,更加覺得小店形式的HOTPOT欠一份商業味,野食就算唔夠大集團多款,但貴精不貴多,單係HOTPOT主角肥牛,已經嬴左9條街,呢間的牛肉真係好食到,我覺得4成熟入口真係一流,尋日食完小肥羊D雪藏硬牛,今日食番D高質數既特別想讚多幾讚。其他野食唔係太特別,但勝在唔會食完貓樣,而特別推介既係炸醬餃,蝦丸,墨魚滑,湯底我地揀左味菜花膠蕃茄豬骨, 花膠都OK好食,最重要係食完哂D野再碌菜食既時候,D通菜吸哂湯底味之後好好食,一點都無油得滯,去到尾段D野食唔哂點匙油都夠哂味!!!湯底最尾就飲唔到,淨飲會咸得滯,我同男友都覺得可以ENCORE,為左碟肥牛,真係值得來。