巧得鍋 (已結業)

又黎觀塘食好野，知道成業街多小炒美食，所以周圍望吓搵邊間食，經過見到呢個新門面，再望入去，見到巧得鍋，應該係打邊爐，就試一試，看餐牌有個二人起既套餐，唔想諗，就叫左，先上涼伴小食，有麻辣雲耳，酸辣無骨鳳爪，原來每人一碟，我地仲問店員係咪上多左，因真係好大碟，雲耳麻辣味惹味，一吃停唔到，本身我食少辣，感覺到麻辣香，又唔算太辛辣。無骨鳳爪多酸汁，爽口，醒胃。叫了花膠竹絲雞鍋底，十分足料，係全隻雞，而且好肥美，仲有兩大隻花膠添，到主角牛肉併盤，係安格斯牛，有不同部位，有掛架牛頸脊，牛肩胛同牛肉粒，賣相好靚呀！醬料方面叫店員攞，點知係一盤上，九工格上。之後上海鮮併盤，有好多款，蝦丸都係鮮打，爽口呀！仲有蠔、青口、墨魚仔，蟹棒，墨丸，餃子，好豐富。牛肉淥熟好淋，牛肉味濃，牛肉粒較彈牙，除左烚，店員問我地會否想烤，我地即管一試。將牛肉加調味醬料既蒜蓉烤，好香呀，可泡製蒜香牛肉粒。包兩杯飲品，叫了青蘋果檸檬特飲同蕎麥茶，麥味較重，好香。最後上蔬菜盤，排得靚靚。出色見到去皮萵筍，夠爽口，最後餚完咁耐湯，先食個花膠，好淋身，精華入晒味，唔點豉油都好入味。其實這個套餐份量都好多, 真係食到捧住個肚走。不過