古早牛肉麵 (已結業)

餐廳裝修幾有台灣舊式既感覺，食物同埋飲品既價位都算實惠。半筋半肉牛肉麵，湯底幾夠味，牛展厚身，牛筋幾乎入口即化。麵質幾好，唔會過硬或者過軟，我個人黎講都幾鍾意呢種質感。長條蘿蔔，軟，但唔算太入味。芝士手抓餅就令人比較失望，個蛋漿好唔均勻，一啲位無，一啲位蛋黃，一啲位得蛋白，入面夾住大量椰菜椰菜椰菜，芝士好少好少，完全無拉絲，手抓餅索價近四十完全唔值，唯一可取之處只係餅皮算脆。炸花枝丸尚可，炸得剛好，有墨魚味。烏梅蘆薈綠茶做得唔錯，好有烏梅味，蘆薈份量足，茶底就普通正正常常咁。檸檬愛玉唔錯，始終唔係度度有愛玉，檸檬味唔算太重，應該無落真既檸檬。