春水堂 (美麗華廣場1期) (已結業)

平時多數都係叫外賣珍珠奶茶，好掛住台灣嗰日一早走黎排定食，12點頭去可以唔駛點等，good。牛肉麵真心好好食，湯底夠香有牛腩味，唔會淨係得醬油味，湯又夠熱，麵掛晒啲汁好吸味，暫時食過好幾間唔同地方台灣牛肉麵排第一。平時叫開鐵觀音珍珠奶都係要凍，今次要左杯熱，估唔到茶味濃好多，珍珠食落比凍飲淋啲，成杯好好飲。係價錢以食台灣麵黎講略高少少，但真係好食有台灣味道，環境舒適，又唔駛趕住走咁，店員服務ok 又幾醒目。