梨滿園韓國料理 (已結業)

去樂富商場都行街，路過見到呢間韓國餐廳幾好，就入嚟食咗個晚飯。·牛肋肉極度油膩，可以見到啲洋蔥同埋牛肉都反晒光咁，睇落都覺得唔健康…😬😬牛肉嘅肉質非常硬，好難咬得開，搞到要問店員攞鉸剪，剪開細細舊先食到😬食落都冇乜牛味，都係啲醬汁嘅鹹味…呢一個牛肋肉我非常唔建議order！🌝人蔘雞湯就正常，有半隻雞，仲有啲人蔘同其他藥材，都幾足料；調味唔會太鹹，食落有雞嘅甜味，合格水平！佢呢度嘅飯係幾平嘅，所以我都唔敢奢求好高嘅水準。個人蔘雞湯我都覺得唔錯，但係個牛真係太油啦，真係接受唔到！🧐🤨