韓淼莊 (已結業)

牛肋骨湯飯呢個牛肋骨湯飯真係極力推薦！ 牛肋骨同平時食開嘅牛仔骨差唔多樣，其貌不揚但原來係禾稈冚珍珠，牛肋骨炆得好腍，筷子輕輕一夾已經見到一絲絲嘅牛肉，味道四個字講晒。清甜肉嫩！湯飯裏面亦都有好多蘿蔔，蘿蔔清甜無渣而且全部都忟得勁入味。攞嚟送飯真係多多都唔夠呀。鐵板炒雞肉鐵板上菜嘅時候熱辣辣，烤雞肉嘅份量非常足夠，食落帶啲韓式烤肉嘅甜味。 烤肉下面有椰菜鋪底，索晒啲肉味，非常惹味。海鮮煎蔥餅海鮮煎蔥餅食落就勁似中式嘅薄撐，唔會食到好重粉既口感，味道唔錯，海鮮同埋蔥再多啲就更加正啦。總括嚟講，以街坊既價錢食到呢個質素嘅韓國菜，價錢中下味道又中上，此消彼長之餘，仲要幾時嚟都冇加一，簡直係超值呀！