利東潮州粉麵

營業中

休息中

屋企附近開咗間潮州粉麵，口碑唔錯，身為潮州人既我，當然要試試！今日趁阿囝返左學，去剪個靚髮，跟手就黎咗呢間利東潮州粉麵食野。我叫咗牛腩拼魚皮餃，$32+$7=$39。碗粉份量正常，牛腩好腍，夾住D肥膏，正！打算減肥既我唔理啦！食咗先講啦！魚皮餃有三大粒，個餡都幾有水準，係個皮食第一啖時有少少怪味，但食落口又唔覺了。個腩汁湯底淆得好，不太咸，我差唔多飲晒。總括來說，呢間利東潮州粉麵很不錯，位置又方便(在輕鐵站旁)，值得一試再試！下次試下佢個牛三寶(牛腩、牛根、牛肚)先！