影片
更多
2023-02-18
33 瀏覽
巴基斯坦咖喱羊架飯印象中好似未食過巴基斯坦嘅咖哩🤣，我覺得呢種咖喱其實幾啱香港人口味，今日叫嘅係小辣，辣度啱啱好，醬料加入咗好多洋蔥同煮爛咗嘅雜菜，所以咖喱好香。羊架足足有四件，食肉獸一定滿足，質素都相當唔錯，下次試埋招牌嘅咖喱牛腩飯。加料牛腩清湯米線呢個貴少少嘅版本會比普通清湯腩河多啲牛腩，店員亦有俾我哋選擇肥中瘦嘅牛腩，我哋呢一碗係比較瘦嘅牛腩，但係全部都好淋同埋好易咬，調味亦都做得好好。湯底清清地食唔出有落味精。牛骨紫菜湯純粹因為我哋都鍾意食紫菜，所以叫黎試吓，紫菜份量都幾多，而家湯底好甜呢‼️呢間小店有好多嘢食選擇，價錢唔貴而都幾好食，重點係姨姨好好禮貌😻好耐冇遇過啲咁有人情味嘅餐廳，絕對會令我想嚟第二次🫶🏼
巴基斯坦咖喱羊架飯
印象中好似未食過巴基斯坦嘅咖哩🤣，我覺得呢種咖喱其實幾啱香港人口味，今日叫嘅係小辣，辣度啱啱好，醬料加入咗好多洋蔥同煮爛咗嘅雜菜，所以咖喱好香。羊架足足有四件，食肉獸一定滿足，質素都相當唔錯，下次試埋招牌嘅咖喱牛腩飯。
加料牛腩清湯米線
呢個貴少少嘅版本會比普通清湯腩河多啲牛腩，店員亦有俾我哋選擇肥中瘦嘅牛腩，我哋呢一碗係比較瘦嘅牛腩，但係全部都好淋同埋好易咬，調味亦都做得好好。湯底清清地食唔出有落味精。
牛骨紫菜湯
純粹因為我哋都鍾意食紫菜，所以叫黎試吓，紫菜份量都幾多，而家湯底好甜呢‼️
呢間小店有好多嘢食選擇，價錢唔貴而都幾好食，重點係姨姨好好禮貌😻好耐冇遇過啲咁有人情味嘅餐廳，絕對會令我想嚟第二次🫶🏼
張貼
