食得棧清湯腩王

營業中

休息中

到YMT攞d野，一黎就諗到先去食牛腩。正值食晏時間，所以勁多人，坐晒出門口，幸好我一個人，可以坐裡面。照舊要了牛腩片頭河，好快就有得食。河粉好幼身，又好薄，好滑，同d湯好夾。牛腩真係好食，係一層肥一層瘦，一d都唔鞋又唔韌。舊蘿白都好正，好清甜，無渣。片頭就比之前遜色，因為3粒裡面有2粒都唔係片頭，而係魚片個角，2邊都無炸過。同真正嘅片頭相比，真正嘅當然香好多，有炸過嗰陣香味。真同假片頭都好彈牙。