影片
更多
2023-12-31
151 瀏覽
約咗朋友嚟尖沙咀行街，晏晝想食碗粉麵做午餐。路經漢口道，見到有間「何富記麵家」，主打牛腩、牛雜，價錢幾親民，一於坐低試下餐牌選項都幾豐富，有潮式粉麵，精選飯餐，特色咖喱飯，淨食、酥炸小吃和飲品等；點粉麵飯，更可以用優惠價加配小食及飲品。我哋點咗香滑崩沙牛腩河 ($65) 同 酸辣京都炸醬麵 ($38)，而小食、飲品就揀咗鮮炸魚皮 (+$15)、郊外油菜 (+$15)、酥炸雲吞 ($38) 及 熱奶茶 (+$8)。 崩沙腩肥瘦剛好，夾喺兩層筋膜中間，爽軟而不硬，入口啖啖牛味，充滿油香。河粉很滑，條條分明，配著湯一起吃很順口👍🏻炸醬味道有層次，醬汁微甜帶酸，肉絲甘香鬆化，配上爽身彈牙嘅幼麵，食得好滋味。魚皮炸到脆卜卜，食落香口又無油膉味，用嚟浸湯吃，倍添滋味。菜心爽脆嫩綠，鮮甜又無渣。雲吞即點即炸，內裡包著大大隻鮮蝦，滋味踏實。食完午餐再嘆返杯熱奶茶，一樂也，茶香幼滑濃郁，飲完成身暖笠笠。
餐牌選項都幾豐富，有潮式粉麵，精選飯餐，特色咖喱飯，淨食、酥炸小吃和飲品等；點粉麵飯，更可以用優惠價加配小食及飲品。
我哋點咗香滑崩沙牛腩河 ($65) 同 酸辣京都炸醬麵 ($38)，而小食、飲品就揀咗鮮炸魚皮 (+$15)、郊外油菜 (+$15)、酥炸雲吞 ($38) 及 熱奶茶 (+$8)。
崩沙腩肥瘦剛好，夾喺兩層筋膜中間，爽軟而不硬，入口啖啖牛味，充滿油香。河粉很滑，條條分明，配著湯一起吃很順口👍🏻
炸醬味道有層次，醬汁微甜帶酸，肉絲甘香鬆化，配上爽身彈牙嘅幼麵，食得好滋味。
魚皮炸到脆卜卜，食落香口又無油膉味，用嚟浸湯吃，倍添滋味。菜心爽脆嫩綠，鮮甜又無渣。雲吞即點即炸，內裡包著大大隻鮮蝦，滋味踏實。
食完午餐再嘆返杯熱奶茶，一樂也，茶香幼滑濃郁，飲完成身暖笠笠。
張貼
