影片
更多
2023-10-20
353 瀏覽
沙田圍站附近嘅早餐嚟講，呢一間都可以講係比較出色果幾間之一。今次幫襯買咗碗牛腩米，講到明要多肥腩嘅。結果冇令到人失望，一舊舊好整齊咁擺喺個碗度，舊舊都層次分明，唔會話完全係肥膏，除咗有油脂，亦都有牛腩本身嘅肉香，以牛腩論牛腩，呢一間都算係做得比好多餐廳出色。反而個湯就比較失色，比較淡，近乎有少少似碗有味水多過似碗牛腩麵湯底。不過佢啲辣椒油都算係幾好，可以追返唔少分數。早餐時段仲送埋嘢飲，40蚊都唔使就落到樓，喺今時今日嚟講，都算係有良心架喇。最後提提大家，嗰日見到有幾個食客嗌外賣，佢都係冇分湯嘅，如果想分湯嘅話就記得落單果陣同佢講喇。有下次嘅
呢一間都可以講係比較出色果幾間之一。
今次幫襯買咗碗牛腩米，講到明要多肥腩嘅。
結果冇令到人失望，一舊舊好整齊咁擺喺個碗度，
舊舊都層次分明，唔會話完全係肥膏，
除咗有油脂，亦都有牛腩本身嘅肉香，
以牛腩論牛腩，呢一間都算係做得比好多餐廳出色。
反而個湯就比較失色，
比較淡，近乎有少少似碗有味水多過似碗牛腩麵湯底。
不過佢啲辣椒油都算係幾好，
可以追返唔少分數。
早餐時段仲送埋嘢飲，40蚊都唔使就落到樓，
喺今時今日嚟講，都算係有良心架喇。
最後提提大家，嗰日見到有幾個食客嗌外賣，
佢都係冇分湯嘅，如果想分湯嘅話就記得落單果陣同佢講喇。
有下次嘅
張貼