坤記牛腩 (已結業)

今日做嘢經過九龍城，因為好忙冇食午飯， 三點幾好肚餓，走咗入去面店食嘢。環境靜靜地，地方又清潔。佢唔係舊式雲吞麵舖，冇爐頭喺鋪面，所以冷氣特別充足。 叫咗一碟牛筋腩撈粗麵，大大碟好多餸。粗麵彈牙，沒有鹼水味。牛筋腩更加好食，牛腩又香又淋，牛筋軟綿綿又入味，冇肥膏。用咗腩汁撈麵更加好味，送上一碗充滿牛腩味嘅例湯，完全配合到我嘅需要。仲叫埋碟菜心，諗住少少哋食條菜，點知食落又係好似好多。飲埋樽懷舊可樂，飽曬。雖然價錢睇落有啲貴，但係現在一餐可以當兩餐食，應該值得。佢仲有啲牛坑腩同爽腩未能食到，下次可以約朋友來再試。