影片
更多
2021-05-15
4970 瀏覽
住元朗嘅都知，呢間牛舞由開業到而家真係冇一日唔洗排隊，要食真係要天時地利人和缺一不可！今日放假，閒日嘅17：00就企定定排隊，終於有機會頭香入座喇！其他嘢慢慢先講，講左啲燒肉先。我哋今日咁難得嚟到，梗係食最矜貴嘅嗰個餐啦，呢個餐平日價位要$538一位，對我嚟講呢個價位真係要大時大節先捨得。貴唔係最緊要，最緊要嘅係食物質素對唔對得住呢個價，食完之後我覺得真係貴得有道理，佢哋啲牛（尤其是薩摩和牛）出面食唔到呀！任食喎！任燒喎！仲要加埋邊爐喎！今次真係食到歸本，唔係講笑。一開始佢哋會上一盤咩都有啲嘅肉，有埋個名牌，等你食完知道想返手叫邊隻肉，咁嘅安排真係好好呀～經過我慢慢品嚐過晒薩摩、澳州、美國安格斯，邊隻最好食我諗個答案都呼之欲出，冇錯喇，就係日本薩摩牛，極力推介原汁原味嗰一款（另外仲有辣汁同燒肉汁版）真係好食到跳舞，牛味濃郁，脂香十足，沾醬真係完全唔需要！食呢個餐必須無限輪迴叫呢隻牛！有幾樣嘢都必須要讚一讚，牛舞用QR code落單，落單後通常唔使10分鐘就到，冇漏過單！燒肉爐係明火，加網，所以特別燒得香，仲可以有網紋㗎！個爐上面有個超強力抽風系統，真心一滴油煙味都冇，我第一次食燒肉可以
住元朗嘅都知，呢間牛舞由開業到而家真係冇一日唔洗排隊，要食真係要天時地利人和缺一不可！今日放假，閒日嘅17：00就企定定排隊，終於有機會頭香入座喇！
其他嘢慢慢先講，講左啲燒肉先。我哋今日咁難得嚟到，梗係食最矜貴嘅嗰個餐啦，呢個餐平日價位要$538一位，對我嚟講呢個價位真係要大時大節先捨得。貴唔係最緊要，最緊要嘅係食物質素對唔對得住呢個價，食完之後我覺得真係貴得有道理，佢哋啲牛（尤其是薩摩和牛）出面食唔到呀！任食喎！任燒喎！仲要加埋邊爐喎！今次真係食到歸本，唔係講笑。一開始佢哋會上一盤咩都有啲嘅肉，有埋個名牌，等你食完知道想返手叫邊隻肉，咁嘅安排真係好好呀～
經過我慢慢品嚐過晒薩摩、澳州、美國安格斯，邊隻最好食我諗個答案都呼之欲出，冇錯喇，就係日本薩摩牛，極力推介原汁原味嗰一款（另外仲有辣汁同燒肉汁版）真係好食到跳舞，牛味濃郁，脂香十足，沾醬真係完全唔需要！食呢個餐必須無限輪迴叫呢隻牛！
有幾樣嘢都必須要讚一讚，牛舞用QR code落單，落單後通常唔使10分鐘就到，冇漏過單！燒肉爐係明火，加網，所以特別燒得香，仲可以有網紋㗎！個爐上面有個超強力抽風系統，真心一滴油煙味都冇，我第一次食燒肉可以唔洗有油煙味咁離開，好正！！
除咗各式牛豬雞肉之外，仲有好多其他嘢可以燒，其中呢隻甲羅燒點都要試下，出面凍肉舖都賣成七、八十蚊3隻，真係唔係平嘢嚟。唔懼怕膽固醇嘅朋友可以食個夠本，我就一隻夠喇，啲蟹膏，嘩，正到裂開呀！
其他嘢，比大家睇睇。
仲有好多唔洗燒嘅嘢，天婦羅、刺身、石鍋飯、冷烏冬、多到唔幾得仲有咩了。啊啊，係呀，呢度酒水都飲任，有最夾燒肉嘅生啤同梅酒！正呀喂！
唔幾得咗講下個邊爐添。shabu shabu有4款湯底揀，都幾正，最正揀係啲肉啦，一樣係薩摩牛，個人覺得用嚟shabu shabu就肥膩咗少少，入口即溶嘅感覺都係留翻嚟燒比較好啲。
出面有蔬菜、飲品、甜品等等，自助形式。疫情期間，出去拎嘢記得要帶返好個口罩，注意個人衛生，唔好重用啲杯碟。眼見嗰日啲食客都幾自律嘅，咁大家食得安心啲。
個雪條櫃啲明治雪條好似曬冷式咁多，多到好多口味我都冇見過。可惜我得一個胃，甜品我並冇另一個胃，所以只係試咗一條藍莓乳酪雪條，凍凍地又酸酸地，解膩非常之唔錯！總括嚟講，餐廳乾淨冇痴笠笠、冇油煙味、服務勤快冇漏單、肉類高質、食物飲品種類多，我就冇投訴喇，一分錢一分貨！
張貼
