牛角Buffet

營業中

休息中

聽聞牛角次次都要等好耐所以一直都冇去試，今日星期一收工諗住去睇下，如果需要等好耐就放棄，近近地就去葵芳呢間算新開嘅牛角啦，係新都會廣場六樓，七點半前到佐，竟然唔需要等位，即刻可以入去，職員問係唔係會員，我哋順便問埋會員有咩優惠，原來只要俾$200，downlood個App, 就可以登記做會員，佢會俾張銀卡你，入面有$200coupon, 兩張$50，一張$100，可以即時用其中一張，仲要星期一呢個時間段去食係有85折，咁著數無理由唔做，職員都好識做咁叫我地入去坐低先慢慢搞，一坐低就拎$200出黎俾職員幫我地搞會員，之後揀佐C餐$408，人生第一次食牛角，真係好興奮😆，環境幾好，咁啱坐個座位後面就係自助吧，好方便即刻去佐行一轉，見到有好出名嘅牛角飯關東煮🍢沙律，甜品，雪糕🍦，飲品斟佐兩杯熱紅茶☕️之後埋位見到職員上佐兩個頭盤先，分別有牛肉，牛舌，豬，雞，今次主要都係想食牛，其他試少少🤏就算，我地叫佐好多好多牛果然冇令人失望，牛角真係好食😋，間中食得生菜🥬中和下，慢慢食$100分鐘足夠，最後食埋甜品🍮同乳酪雪糕🍦有雪米滋，好正好正